BOJ- Bankers or Jokers?

A glad dat BOJ feel dat it cyan use de word stable fi describe henyting fi do wid de Jamaican economy. De only ting dat is stable is de mount af suffering dat lick wi due to de high interest rate policy of de last decade. Furder more; tell mi is what a 1% decrease really going do when de interest rates so high aready. A don’t know why BOJ tink dem su smart das everybody in de world a lower dem interest rate to almost zero fi stimulate dem economy and BOJ still ave fi dem own at close to 20%. Yuh know what a tink wi should cut in dis country fi stimulate de economy? De amount of politician per square mile. Wi ave Parliamentarians, Senators, Cabinet, Councilors, Governa General and all dem good fo is fi cut ribbons. Why wi need so much a dem fi jus one likkle island?