Anancy and Plantains (Jamaica)

Channels

Community

resources

about us

Jamaican Culture

Anancy and Plantains

Published Jul 2, 2002

A markit day but Anancy neva ave noh money, soh im siddung by di door af im cattage han im watch Tiger han Iisander di pus, Daag and Goat, han nuff adders hurry a goh markit fi buy han sell. Im neva ave nutten fi sell far im neva did du noh wurk ina di feel. Im staat fi wanda ow ima goh fine food fi im wife Crooky han im pickney dem. Han mose af all, weh ima goh fine food fi imself?.. No sooner im dun im thaughts, Crooky com a di door han seh tu im..yu mus goh out nung Anancy han fine sompting fi wi fi eit, wi noh ave nutten fi lunch, nutten fi dinna and tumarrow a Sunday!. A ow wi a goh manage widouten a scrap a food ina di ouse? Anancy staat fi pander a ow im a goh get sitten fi bring ina di ouse fi eit..but im seh tu har " noh worry bout nutten, mi ha goh fine sompting fi wi fi eit...mi a goh out goh wurk han get som food..han every day mi goh out wid nutten han com bak in wid sompten. Yu watch han si!

Anancy walk bout till midday, im noh fine nutten, soh im liddnung han sleep unda one shadi mango tree. Im sleep till di sun goh dung a evening han den im staat walk ome . Im walk slow far im soh shame im naa goh bak wid nutten ina im han. Im saat axe im self weh im a goh du, a weh ima goh goh fine food fi im fambily. Soh im walk han all af a sudden im com face tu face wid im ole fren Rat. Rat did ave one large hevy bunch a plantin a carry pan im ed soh till it almose a bruk im bak. Anancy eye shine wen im si di bunch a plantin, im stap han talk tu im fren Rat. Anancy seh " ow yu du mi fren Rat?..a lang time nung mi noh si yu?

Rat seh " Oh, mi staggerin alang, staggerin alang..han ow yu han di fambily?

Anancy put ann im langist face, soh lang dat im chin almose touch im toe...Im groan and shake im ed!..Haa Bredda Rat...time aad nung yu si...mi can ardly fine food fi eit fram one day tu di nex!...weh im seh dat,,tears com a im eye..but im gallang talk same way. A walk all a yestiday, and tiday and all nung mi noh fine nutten fi eit fi mi han mi fambily...Ah Br'er Rat..di children dem af fi ave so soh water fi drink tunite.

"Mi soh sarry fi ere"! Bredda Rat seh..mi nung ow mi oulda feel if mi did afi goh ome tu fi mi wife han pickney dem widouten nutten fi gi dem fi eit! Wid out even a plaintin..Ananis seh,,han im luk pan di plantin dem fi a while. Rat luk pan di plantin dem in silence tu!...Anancy seh nutten..im move tuward di plantin dem..im jus a draw close likka seh a magnet a draw im. Anancy coulden tek im eye aafa di pantin dem, but ongle fi a quick glance pan Rat face..Rat nuh seh nutten...den at last, Anancy opin im mout.." wat a lovely bunch a plantins yu ave dere Rat..weh yu get it ina dem aad time ya?"

Rat seh " Is all dat a ave lef in di field Anancy...da peas ya mus laas till di peas dem ready...han besides di plantin dem noh ready"

But dem a goh ready soon Anancy seh, dem will ready soon. Bredda Rat, gi mi two ha di plantin dem..di children dem ongle ave water fi drink fi supper tunite. All rite Anancy. Rat seh!...Jus wait a minute!!. Rat count all seven (7) a di plantin dem. Rat count dem again han at lass im bruk aff four a di smalliss plantin dem han gi dem tu Anancy. Tenk yu Bredda Rat, tenk yu mi gud fren..But Rat..a four plantin dis and is five a wi in di fambily..mi wife..di three pickney dem and miself..Rat nat even luk pan im..im ongle seh elp mi Anancy put bak di planten dem pan mi ed, han noh try fi tief aaf any more. Soh Anancy elp im and Rat goh aff pan im way but im start aff slow as di bunch di still hevy. Anancy coulda walk fass as four planten neva comin like nutten tu im. Wen im get bak tu ome..im an di four planten tu Crookey, im wife han tell har fi roast dem. Im goh outside a lie dung under di shady mango tree till Crookey caal im a tell im seh di plantin dem ready.

Anancy goh bak inside han dere was four nicely roasted plantin..im gi one to di girl and one each tu di boy dem..im gi di lass han biggess plantin tu im wife. Afta every baddy ave dem plantin im siddung very sad lukkin an im wife axe im " Anancy yu noh waan nun a di plantin?

No, Anancy seh..dere is ongle enough fi four..betta me stay hungry and yu full . But papa one a di pickney dem seh, yu nuh ungry. Anancy seh..yes chile mi hungry but yu too likkle fi fine food fi yu self..betta me stay hungry. No papa..mi affi gi yu alf a fi mi own..soh di pickney bruk aff alf a fi har plantin han gi it tu har faader..Di adder two pickney dem du di same and wen di wife si wat a gwaan she bruk aff alf a fi har own and gi Anancy tu. Soh Anancy hen up wid more dan one a di plantin dem as usual im afi out smart every baddy.

comments powered by Disqus

Comments

2 comment(s) on this page. Add your own comment below.

Sharna
Jan 12, 2011 11:51am [ 1 ]

Thease Anancy stories r wicked me ah from jamaica u nuh

tashakay
Apr 1, 2011 5:30pm [ 2 ]

wow

Add a Comment

Please be civil.

(Use Markdown for formatting.)

Browse the latest articles

sitemap xml