Ow iz hall you folks out dere in de Galaxy doing? I ope uno iz all well.
Tings roun de Globe iz getting very cantankerous, iz like people is gweyin
Raggamuffin all de way.
One Country tunning pon de nex, people revoltin gainst odder people. Iz a shame an abomination wey a go on. De time of Revelation iz at hand.
Just de odder day, a oman get me so custed bex, me had fi “dress” ar dung good, good.
Well, as uno hall knoe Ms. Dulcie haff ar mawning show pon de radio wey she tell hit like hit iz, waz and could possibly be…..
Dis ya oman she no tek me on afta mi show. She cyall me pon de telephone, a tell me bout , “You foreigners come here and think that you can take over, when in fact we escaped from our countries with nothing.”
Well, de phone lines dem start fe bling hup, de studio get very quiet, an hevrybady waz holdin dem breath fi wait wey Ms. Dulcie a go sey, 'cause don’t hask hif a nevva peppa ar.
A sey, “Ms., where was you when self respecting descent folk waz leavin dem Third World Country, and bringing dem bushels load hof funny money wid dem?”
“Me cum from a Third World Country, but me nevva cum a foreign fi cum sid dung hidle ar wid me hempty crocus bag fi live Hoffa de land.”
When me did bring Hingrid through Merka fi go a Hengland a seven whole hours me spen a hairdresser fi ar fi give me kiss curls and roll up me Jamaican $100 and $1000 bills inna mi hair. Fi me fabulocious hair-do did fill a money an when it wasn’t money, de hairpin dem was encrusted wid jewels, me get me jeweler fe tun dem inna diamond airpin.
So, between de dolla bill dem and de blasted airpin dem, me head did full hof it. I guess you coul sey it waz a filthy mess………
In dose days, Doctors, Lawyers and Indian Chiefs waz buzy trying to diversify dem portfolio in odder Countries cause de Third Wul became limiting...
Me sey. De oman was silent pon de phone far bout tree minutes……..Me sey, “You halright? Close you mouth an top ketch flies. Me heven go wan farder, me tell ar, hask anybody down a Nova Scotia Bank, dem knoe Ms. Dulcie by heart. Hafta Ms. Dulcie lef dem, Dem halmost go bankrupt.
She start one piece a stuttering pon de phone……” I a-p-o-l-o-g-I-z-e …….It’s just that you seem so ordinary and regular. Most people of your caliber would be a bit more “pomp and circumstance”……if you know what I mean.”
Me just sey to ar, “Pomp and Circumstance? Afta me naw keep hup wid de Joneses, de Joneses need fi keep hup wid me?”
‘Cause me no go roun in a jewels an diamonds 24/7 dem tink me iz a country bumpkin, but hif dem heva did knoe sey Ms. Dulcie got all de wuthwhile designers pon speed dial. Heven dem tink Ms. Dulcie iz eccentric…and I knoe I am.
Hanyway, me bid de oman farewell an heng up de phone. You heva see me dyin trial? Iz not just her alone….Many people feel dat way bout foreigners and it is ignorance.
De peple who gey dem incorrect info no tell dem sey sometimes hit cost millions hof foreign dollars to come to America or any odder foreign Country. Immigrants who migrated twenty or thirty years ago, harrived like Hegyptians wid deir own money and valuables attached to dem.
We hall came through fareign to make a difference, not to reap, reap, reap an lef de lan barren. But folk mus respeck us ‘cause we naw beg dem nutting…..We jus on ere fe de long haul.
Ms. Dulcie have plenty letta fe read to uno nex time. But she just wanted fi clear ar chess hafta dis oman hupset ar nerves.
Hevry Island person must knoe dis, “Hol uno head high, an doughn’t mek s’mall minded peple get inna de way!!!”
Till next time!
Dulcumer Peaches Robothom
