Ms. Dulcie Sey: "Wen sunshine an warm wedder de a fareign peple get haunted!" (Jamaica)

Channels

Community

resources

about us

Jamaican Culture

Ms. Dulcie Sey: "Wen sunshine an warm wedder de a fareign peple get haunted!"

Published May 20, 2006

Hi dere fans ow iz uno hall keepin dese days? Well if uno hanswer fenky-fenky dat iz hunderstandable 'cause de wul az we hall knoe hit iz dwindlin away slowly but surely.

Well haz uno hall knoe, Ms. Dulcie cyant keep quiet, me hall hova de wul dese pass few days. Me go look fi Hingrid and ar ole relux husband ina Etiopia, den me tek she an de granbebe go a Disney Wul. Hafta dat,  me go traight shru to New Yauk. What a haul an pull hup!

Uno mussey wandaring why Yehuda nevva go wit we a Disney Wul, but is not because me nevva hask him. Him tell me sey him haff plans fi go a de Socca match dem so im no haff no time fe fallowe we a Disney Wul. Im an im sour puss self!

Lissen me good! Sumting is wrang wid dat dey bwoy, Me cyan't hundastand why im no wan fi see im fuss bawn henjay ar self at Disney Wul. Im get pon me custed nerves...but dat's juss between me an uno. Hif Hingrid heva knoe sey me no warm hup to him yet, she wuld surely pop a blood vessel.

Hanyway, we had a blessed time...Praise de lawd. Juss fi see me granbebe s-s-smile waz wurt de hova price ticket dem....Lorks have mercy!

De ongly ting we hupset me, is de s-smell of de petroleum a come from de ocean.Hall now de blinkin BP peple dem no clean hup de beaches.

Hall de wild life dem a go rebel pon dem...Rememba de movie "Birds"....hmmmm. Hif dem knoe wey I knoe dem betta do wan clean sweep as soon as possible.

Den hafta mei jaiful hexperience, me go tek hon New Yauk. Me hallways a go to de Big Happle 'cause hall me radio cantacts dem de de.

Wen mi lan a de Hairport, wan piece a heatwave reach mi same time.

By de time me get hoffa de haircraft mi hair dred hup like wan Rastafarian from de heat.....now mine yu, hit waz honglyHaypril an dem a hexperience wan heatwave. De hairhostess tell me sey, hongly a few dayz aback dem was a haff frigid temprature.

Dat's de ting wid NY heveryting dere iz from wan hextreme to anodder.

Hall de way me a travel to mi otel de road dem full hup wid wan sea a peple. Dem hall outdoors in a sharts, midriff an halta top. Meanwhile me did bungle hup inna me London Fog coat shru me knoe sey Haypril cyan be cool inna New Yauk.

Wen sunshine reach a fareign hevery bady wan fi hexpose dem Gad given gifts. Me doughtn't hundastand, sey, hif de wedder waz frezin a few dayz before an dem a hexpose demself so, den dem a go get, pneumonia,  lumbago an hartritis from ovahexposure. It is de mos confusin sitiation. 

Hafta me reach a mi otel, me decide fi tun hawn de news, hevry report yu hear, de criminal dem juss a go crazy an tek advantage a de poor desant citizen dem. Iz like de likle warm wedder sizzle hup dem brain cells and dem go mad.

Me sey, me nevva rememba a time wen NY waz in such a "roonkus poonkus" way. Yu cyan't heven look pon de site dem 'cause hevry havenue haff hup construction, an yu knoe de joke bout hit?

Hall day long dem a construck but yu nevva cyan see de finish produck.

Me get so blinkin confuse 'cause me cyan't decipha wey dem a construck. Wan building dey pon Construction since me visit dere hova a year ago!

Me juss tink sey de heat an sunshine  mek dem feel haunted, so dem juss go hinsane wid hall kine hof hactivity.

Hevry restaurant me go to, dem ahoffer me fi dine hallfresco,hif me did wan fi sit pon me veranda an heat two piece a food, mi wid a stay ome inna Jamdung. Me nowan no fly fi pich up, pich hup pon mi food. Me would be namming food and polution hall at de same time.

Dem too custed frivilous fi me. Haz soon as likkle warm wedder come, hevry ting an hevry wan go from hibernation to hova hexposure!

Hevrytime me go a de otel concierge desk, dem hallways a skin hup dem teeth an hask me, "Ms. Dulcimer yu henjoyin de wandarful wedder? Me juss tell dem sey, me haff henough of de humidity an sunshine inna Jamaica , so wen me go a fareign me tun dry lan tourist.

Me tink sey fareign sun stronga dan Jamaica sun sumtimes, cause wen me go back a Jamaica fi mi skin feel tougha dan ledda am me haffi larder meself dung wid haloe vera.

Yes man, mi luv Merka, but dem get kina  strange wen de wedda go from frezin to warm.

Hevrybadie wan fi show dem moneymaker, wedder ar not de wul ready far hit. 

But you knoe, yu haffi gey dem credit 'cause dem no cyare, dem a do dem hown ting regardless wey peple might tink. Me see fat peple, tall peple, skinny peple proudly a show we dem gat, hall deoman dem wid cellulite a wear hit proudly. Dem no cyare wey hanybady helse tink. Dat is good spirit...Dem knoe ow fi live life pon dem hown terms. 

So many countriesrung de wul is so obsessed wid perfeccionism dat dem miss hout pon life. So maybe dem haff de right idea. Hall me knoe iz, it iz hallways a "trip" wen me visit de Red Happle. Me get nuff fodder fi cary on pon mi radio show. God bless dem!

Dem hallways manage fi mek Ms. Dulcie blush from now till dy Kingdom come.

Nuff respeck to de New Yaukers dem and to hall hof uno rung de wul. Wen de wedder get warm an uno wan fi hact haunted, juss lek de sunshine in, an live it hup!

"Cause life is too shart......

Till nex time, stay sweet an keep de faith.

Dulcimer Robothom

comments powered by Disqus

Add a Comment

Please be civil.

(Use Markdown for formatting.)

Browse the latest articles

sitemap xml