Ms. Dulcie Sey: "A Wey Do Ar Dough...... Eh?" (Jamaica)

Channels

Community

resources

about us

Jamaican Culture

Ms. Dulcie Sey: "A Wey Do Ar Dough...... Eh?"

Published May 20, 2010

Howdy-do hall hoff mi wandarful fans!

Lorks Ms. Dulcie burden down wit fretration an bodderation ova de Hingrid she. From she married de custed Yehuda fi ar life is like wan big almshouse. Mi no know wey fi do.

She juss give hup pon life. She hup hall night, she nah heat nar drink, den wen she reddy she leff mi gran pickney by arself inna de ouse an gawn a treet. Wey she a do inna de treet iz ongly massa Gad knoe. Hevrybadie  pon de treet she a talk hup, talk hup to. Ar yeye dem a dodge back an forth like sey she pon crack.

She a rung roung wid hall kina strange folks, dem a touch, touch ar. Me gal pickney stick hout like wan sore thumb through she mix-hup.

Den wen she reddy, she dance ballet inna de Town Square like hediot......Lawd me poor gal pickney!

De ole relux Yehuda im a get pure satisfaction fram ar sitiation. A wanda hif is postpartam depression or what?

De waify bwoy no tell ar sey she fi kill ar self, cause she iz a good far nuttin. Me no knoe wey rang wid Hingrid...Wey do ar do eh?....De Hingrid wey me knoe wud a slap im traight inna de nex centry, iff im did eva fresh wid ar.

Dat bwoy iz messin hup mi pickney! Im iz a ole renkaz!

Sinthing no right wid ar . Iz ongly de Lawd Jesus cyan elp ar. She in wan strange place an mi fraid sey simady run wey wid ar.

Mi belly bottom nervous so till me fel like me gwey drop dung. Widdin de pas couple weeks musey bout tree time me tek concorde go a Hetiopia fi go traighten hout mi gal pickney.

Me tiad! Me try hevryting but not heven me cyan reach ar.

Fus, me did tink sey she strung hout pon de drugs...but now mi a tink sinthing helse....Hanybody believe inna demon possesion?

Well, ere mi now, me a look hall ova fi ansas, me tun hevry stone an mi cyan fine no logical hexplanation far ar madeeks behavia. But, me juss get wan letta from wan Obeah oman inna Maroon Town.

Ere wey she sey:

 

Dear Ms. Dulcimer:

How art thou? I heards about your sitiation thrugh de Jamaican grapevine. Mi knoe sey yu feelin twisted bout yu wan gal pickney. But ere wey mi haffi tell yu.

De usban wey she deh wid is a real prekke. Him did haff wan gal wey im waz a fool rung wid, befor she cumm inn a de pickcha. De gal jealous ar so till....Did yu knoe sey de bwoy mek de gal cum  a de ouse wen yu daughta tek de bebe go a docta. De gal fool rung wid yu pickneyl tings dem. Did yu daughta tell yu sey ar hair a fall hout like straw. Dat de gal an de bwoy iz a real dawghouse sitiation. De gal a try fi tie hup yu daughta life inna filth.

Ere wey yu haffi do. Tek de bwoy name an de gal name an write it pon wan grapefruit an through it inn a de ocean. Yu haffi get him hout a yu pickney life. Im is a debil. Yu gal pickney haff ar hown mine, through dat im cyan tand ar...So, im a go try fi wreck ar. De gal name start wid wan F...me we write yu wan nedder time wid de hole name. Lissen me good....Yu muss throe de grapefruit before dawn and den tek yu gal pickney sinthing dem an wash hit in a lime juice wid carbolic soap. Pon de full moon, yu mus get ar an de gran pickney, an bring dem to yu in a JA......Mi will see uno hafta dat. Ere mi now..Dese tings must be done has soon has passible.

Blessings,

Sister Arumgapong

 

Well, Mi fans as yu must knoe me frighten so till. Me no knoe dis oman fram Hadam har Heve an she read heveryting so good. Rememba wan time me did tell uno bout de Yehuda an im custed corrupted way?

Hall halong him swear sey im iz so hinnocent an poly. De bwoy iz a custed...a doughnt no what!

Me cyan get hover ow she read hup bout Hingrid hair fallin hout. Me sey me pretty gal pickney head look like wan canefield wen hit parch hout.

Me nevva belev inna dem de soothsayin peple but dis ya lady read tings hup real good. Himagine, im bring de gal to fi mi pickney ouse wey me elp pay fa. Iz ongly de spirit hoff Gad cyam elp im...Cauz wen a dung tap im wid me broom stick, im will knoe sinthing else. Me did knoe sinthing nevva did right wid im an im fambly from de weddin......

Rememba sey me did tink sey dem waz a go bump me hoff..? A bet yu im waz a tink hit. Hanyhow, Ms. Dulcie haffi go now...Me haffi ketch de market befo dem close.......A gwey sprinkle sum mad hatta dust pon im u see.

A gwey mek hevry gal wey cum near im run wey.....Mek im see wey it feel like. Till nex time. Tek cyare. Pray far Ms. Dulcie an Hingrid halright. Bye, Bye.

Tags: Ms. Dulcie Sey: "Wey Do Ar Dough.... Eh?"

comments powered by Disqus

Add a Comment

Please be civil.

(Use Markdown for formatting.)

Browse the latest articles

sitemap xml