My luvly folks, how have y'all been keeping? Mi ope uno halright. Mi so glad sey de festival dem done, 'cause lawd, mi God, don't hask if mi nevva dance out mi longitude an latitude pon de float dem. Larks! Dem de gal inna Rio no hav nuttin pon me. Me mek dem look like foolishness wid me gerihatric self. Ms. Dorcas an me was a whine up, whine up pon de float dem. Man, we mek front page news inna Jamaica. Hall now, me han Ms. Dorcas still inna pain. Me jus go beg some tamrind leaves from Mr. Chin shop down de road. Me still a soak me bady afta hall dese munths. Cyan yu himagine?

So lissen me good, me go inna Mr. Chin shop and lo and behold! People jam! A we so much people come from inna de miggle a de day? Me sey, jus fe get two likkle phensic an sum tamrind leave me hafi wait one whole hour. Lawd, me foot dem feel like two left foot hafta all dat de wranglings. First, when mi go inna de shop, dem hav wan gal we look like she his Ms. Body Beautiful. Me no knoe wey she cum from, but see ya, hall de man dem cum from miles fe chek har hout. Dem nah buy nuttin, dem jussa fast. So mi haffi mek up likkle naise fi get sum hattention. Den wan lady she wid are lombocious self sey, "Lady,lady can you hurry I have to get back to my office. I own a business down the street. I just want these few patties for me and my staff. Well, the likkle lady at de regista ring ar up quik, quik. Yu wudda tink sey she was de Queen a Hengland. Den hif dat was not bad enough wan nodder laddy no bore thru pass me fi get sum harse crackers. Guess what? She no lik down dem whole aisle a milo and blue mountain coffe. Me sey, "Yes Pappa Dele! Yu bruk up de peple dem store, now yu hafi pay fi hit!" She ge mi wan dutty look. Mi no care! Hespecially fi ar fenke, fenke stare.

Me start fi chat to Mr. Chin grandaughter and she tell me sum heap a story bout de ole drunkard dem wey heng hout at de shop. Dem hallways a sey, "Play de sweet music nuh! Girl Chile!" Dem tink a rum cyan dun. Yu could mek rum punch fi de Universe if you squeeze dem hout.

Well. Tru Mr. Chin is me lang time fren, a get so bex till a wan bust. Me sey, me no use no hobeah, but me haf wan likkle remedy fi get dem hout.

Me jus go down a de gulley and pik two single bible leaf, an bwoil hup some jaze wid sum gentian vialet an me bun sum incense inna de shop fe dem.

Hey! hey! Me nevva see so much mawga foot run like sey dem hear tree wheel coffin a cum. Dem run yu see! Dem tek hoff like a fire an barb wire inna dem pants. Praise jesus!

Mr. Chin an im granpickney dem hav back dem shop fi sell respectable peple. Who sey hall Ms. Dulcie do is sit an labrish? Me do good sum time. Look wey me haffi go tru fi get sum tamrind leaf an phensic. But it worth it, 'cause dem mek me truss tings all de while.

So hear dis! Me was a mek me way back a mi yard fi go cook sum curry tripe and pig trottas, guess who me see a heng pon de street an a nyam ar patty dem? No de lady wey talk bout she his a Hentreprener han have har hown hoffice. she have har own business halright. The Walk and Kick Stone Corporation. Hall dat hexcitement was fi show up har likkle frowsy self.

Well, mi luvs dat was Ms. Dulcie's day at the shop. If his halright wid unno, a gwey soak mi likkle pain-up, pain-up self fi a while. Tek care, till nex time.

Ms. Dulcie