Jamaica

http://www.jamaicans.com/culture/msdulciesey/msdulcieseyomenundasiege.shtml

Ms. Dulcie Sey: "Omen Iz Unda Siege"

Allo dere fans, ow iz all hof uno copin wid de inflacion inna de wul? Lorks hof his mercy! Mi sen Missa Fowla go a Coronation Market de odder day fi get sum mango, guinep, a piece a yam,an a few plantins. Likle mose me haffi martgage mi ouse fi buy dem few tings. Hevryting iz so hexpensive, de price dem jussa rise as hif dem pon crack or cocaine. Iz a real shem an abomination unto de Lawd 'cause wen yu do get de sinthing dem, dem look like wen fowl scratch hout de grung undaneath dem. But see ere....

By

Allo dere fans, ow iz all hof uno copin wid de inflacion inna de wul? Lorks hof his mercy! Mi sen Missa Fowla go a Coronation Market de odder day fi get sum mango, guinep, a piece a yam,an a few plantins. Likle mose me haffi martgage mi ouse fi buy dem few tings. Hevryting iz so hexpensive, de price dem jussa rise as hif dem pon crack or cocaine. Iz a real shem an abomination unto de Lawd 'cause wen yu do get de sinthing dem, dem look like wen fowl scratch hout de grung undaneath dem. But see ere....No laugh, 'cause iz a serious ting wen produce prices is flyin through de ruff.
 
Hanyhow, we hall gotta keep pressin on far betta dayz. Well, wha iz geyin on inna de wul? De man dem gawn mad?
Why iz dem tekin hout dem frustration pon oman...Hafta we no do dem nuttin. Hevry time me pik hup de custed paypa, iz a tory bout sum oman who dem hassault. What iz gweyin hon at dese blinkin otels...eh?
 
Hevry minute yu a read bout sum oman unda siege an get haul an pull hup. Nowadays, iz a real perilous sitiation far a oman fi mek wan shillin, hespecially hif dem wuk inna desolate surroundings. Bwoy! Sumtimes me wanda hif it iz a conspiracy or a shek dung. Why dese rich men choose fi a go a luxurous otel fi rant an rave an misbehave?  Eida dem pon drugz or dere iz sumtin rotten inna Denmark.
 

But den, yu haffi wanda bout de vagabond dem a ragga-ragga nice, decent, self respectin oman dem inna public. So me sey to myself.....Dulcimina, dere iz a vendetta far omen gweyin' on. Iz dem tryin fi terrorarize we?
 
Maybe, dem wan we fi tan barefoot an innna de kitchen so dem can tek ova de wul? 'Cause me no undatand why sum a dem almshouse man tek set pon oman so.
 
Dem a try fi tek wey we dignity by tryin fi bruk we dung. We iz female so we shuld be crazy an hysterical hall de time.
Hall me haffi sey to oman out dere iz, No mek nobadie violate uno persanal space. To de Helpa dem who feel  dem inna danger, rememba sey , uno broomstick an mop iz uno fren...No henta no room widdout dem. Hall de sem,  why dougn't dese establishments put security guard pon hall de otel floor dem?
 
Uno cyan be penny wise an poun foolish...Look out far uno hemployees. An wen dese guests mek special request, sen dem de Bouncer, mek dem trya ting wid a mean, burly, kilin machine.
 
 De ressa uno oman hout dere,  juss rememba sey, hit iz rainin men an uno haffi cyarry uno humbrella hall de time...eh?
 
Now, Ms.Dulcie is prayin far hall hof uno, mi ope wen mi read de paypa from now hon dem will lef de omen of de wul alone hif dem knoe wey good far dem. Sistrens hof de wul unite, an fight de good fight ! Till nex time.
 
 
 
Dulcimer Peaches Robothom
 
 
 
 
 
 
 
 
 
 

Tags: Ms. Dulcie Sey: "Omen Iz Unda Siege"