Hola hall a mi wonderful fans out dere in de wul. Ow iz hall hoff uno doin dese dese. Me knoe sey inflaccion a box uno shut gweyin an comin. Ms. Dulcie a pray fi uno hall de same.

Well, me appy fe report sey Hingrid and de Yehuda a clean hup dem hact an poor Missa Fowla feel likkle betta. Hingrid dem was inna Jamaica de odder day , se we hall go dung de North Coast fi a few days. Me dress hup like dryland tourist, wid big ole, broad rim dark glasses a wan caftan wey look like wan tent up hat up park camp. Me kno knoe what me waz tinkin, through de sun so blinkin hot. Me no wan get no sun paisining you know ….