Greetings hall of you folks out dere inna de Universe, Ms. Dulcie iz writin to uno unda some very grievous circumstances. Lorks have mercy! Me cyan heven consantrate, me belly-bottom a gripe me you see. Mek me tell you bout sum very hupsettin happenins inna St. Mary.
Miss Palomina wey run de Restaurant dung Oracabessa Road cyall me de odder night inna histerics. A few months ago, she go fi wake ar daughta and she disappear. De gal pickney gawn, clean, clean. De poor oman doughn’t heven knoe wey fi look.
Me haffi sey it to myself ‘cause me cyant believ it .
“Lawd Jesus! Dem kidnap Ms. Palomina Pickney!”
A wey we a go do!
Dem nevva heven get no ransom note.
Me fell so sarry fi ar. De girle chile pretty cyant dung you see an smart like fox. Hif you hask me a tink is de ole, roonkus, poonkus, druggie bwoy wey she heng hout wid sumtime. Far one day she cum a de radio station wid de merasme bwoy fi hintoduce him to me.
De bwoy yeye dem red like roses.
Den im cum hask me hif me cyan mek im DJ pon de air. Me jus tell im fi clear hoff. A knoe she probly did bex wid me, but im waza get pon mi nerves. A hate fi see wen yung peple mek hediot outta demself.
Hall me knoe iz, im had to be pon sumting. De bwoy wuz a chat pure chupidness, me couldn’t heven undatand so good. Me jus tell ar sey me wuz busy an mi wey cyall ar lata. A feel so bad now, ‘cause maybe a could did pry sum hinformation outta dem.
Ms. Palomina sey she go to ar bedroom, and she an de bed linen gawn …disappear!
De hongly ting she cyan tink sey, iz dem tek ar through de window. Dem mussey climb hup pon wan ladder and crape ar hup inna de bed linen an runway wid ar.
Den here dis, sum weeks lata wan gal show hup pon ar doortep sayin she is de daughta. She iz de spittin himage hof ar.
Howeva, Ms. Palomina callin me now fi tell me sey de gal wey show hup izza himposter an dem get fi fine hout dat dem mussey kill hoff de real daughta and makeova dis ya gal fe look jus like de daughta.
Ms. Palomina is distraught ‘cause she lose ar pickney an she haff wan himposter inna de house wid ar. Dis iz a hard sitiation fi be inna.
Can you himagine sey Ms. Dulcie speechless?
Me tell ar fe gey de gal a series hof tests, you knoe, hask ar tings wey hongly fi ar pickney fi knoe?
She sey, she do all dat and de custed false gal knoe hevfryting bout dem family wukings.
Well, all Ms. Dulcie cyan sey iz dat simady been preyin pon dem. Dem been studying dat de fambly far a long, long time.
Me couldn’t tand de honeasy feelins anymore, so me sen Missa Fowler an im Constable fren dung dem house fi ketch de gal. But she iz a slicksta.
De cojorobbo gal a try fi pull a fas one!
Missa Fowler an de Constable knock dung de door from now till next year an nobody ansa de door. Now me tinking all kina tings ‘cause Ms. Palomina not ansaring ar phone an hevry time me cyall de restarant fi ar….she busy.
A tell uno, sumting crooked gweying on. Ms. Dulcie doughn’t knoe wey fi do. Well, a senninn a shout hout to hall uno folks hif unno knoe hanyting contac me quick !
Ms. Dulcie hofferin free prayas far hanyone who cyan elp ar solve dis ya mistry.
So keep uno eyes an ayz hopen far any hinformation at all.
Uno hall knoe sey me iz a mad oman, an me wi go dung de an bruk hup housekeepin till dem tell me sumting good. A through me knoe sey fi me Hingrid will bex wid me fi mek commotion, why me a keep mi likkle self quiet.
Hanyhow, a relyin on uno fi sekkle dis ya fracas, so till next time. Ms. Dulcie sen blessins to hall.
