A love mi a deal wid
Feget bout di war,
Yu kno' a yu mi wan'
So wha wrong wid yu star?
Evr'y time wi talk Yu a mek up yu face,
Like smaddy mussa tell yu seh
A you get las' place.
Mi tink yu kno' yu cool
An' dat ev'ry ting a'right,
But as soon as mi tun roun'
Is like seh yu wan' fight.
Wha' more mi fi du?
Mi nuh kno' wa mi fi seh!
Yu kno' if yu wan' mi
Mi a go always dedeh!
Fire deh a dem tail
An' dem tink a cool breeze,
But yu kno' mi fraid a fyah
An' mi always luv mi cheese.
Soh, you a di cheese
Pon' top a my bun;
You a di coc'nat-water
Inside a my rum.
An' if yu wan' hear more
Den you a my sun,
Mi a go circle roun' yu
Til' fi mi days dem done.
An' mek sure seh
Yu always understand,
Mi a goh love yu always
Cause mi a fi yu man!!