Everybady talk bout bad gal Suzette,

Me nevva knoe bout ar,

Me tink sey she was a cadet,

De gal up and down like Soldier man,

day and night,

Some sey a man she a look,

Or she de wey pon some respite,

All ova de globe wid ar pancake make-up,

A peple life she wan fe stir-up,

All dem a su-su bout ar,

Suzette no cayare,

Cause she fabulocous an she a try fe persevere,

When you ere from de shout,

Suzette is a super mogel wid nuff clout,

Das why she up and dung all de time,

She a try fe slim down ar waistline,

De pancake she a wear is only fantasy,

Fe ar theatrics she a prepare,

Lawd! What a way peple cyan tun up story,

Dem all chat bout how Suzette “whorey”.