Jamaica

Me go out a Airport fi get pon wan flight,

Dem tell mi sey dem naw fly tonight,

Imagine,

Air Jamaica mi number one carrier,

A tell me sey,

Mi a go be a Airport tarrier,

If me nevva did show up.

Mi would a nevva know,

Dem cancel de flight to Montego,

Mi bex cyan't dun cause mi son lef me a de checkin,

Lord of mercy!

Mi hope im call me,

Jesus mi prayin!

One man show up wid im bag an pan,

Talkin bout im jus hail from Japan,

Dem tell im sey dere was a connecting flight dat would get im inna Jamaica tonight,

Jesus Christmas!

De poor agent almost get choke,

She had fi fend im off wid one rusty bicycle spoke,

Everyone else pon de line was a heckle and joke,

Bout Air Jamaica an dem island slow boat,

Anedda man im decide fi tek matters inna im han,

Him get wan limo long from here to Iran,

Him must be did tink im can drive to Jamaica,

It wouldda did betta if him did lease wan helicopta,

Yes mi chile,

Dere was an uprising at the Air Jamaica stand,

All because dem never did care who I am.