Pon de Jamaican Country Roads
all day long dem a construck,
A wey dem a construck????
Dem mussey a look simady fi abduck,
De road dem still look "jiggedy-jaggedy"
like sey dem erode from wan disease,
A who dem a fool?
Look ya!
Me no bawn yesserday,
Please.......!
Dem hup an dung inna protective
clothin an a soun hoff flares,
but de funny ting is,
Traffic back hup an hall a de motorists
dem is unaware,
No wan ere naise a cum from anyplace,
Hall dem a look rung, de ongly ting
dem see, a plenty crane a wave to we,
Hevryone get confused an inna daze,
De cell phone dem atop fi circulate,
Pon de country road we is hall hostage
an outta place,
Peple can get hijack, dat's why mos Jamaicans
carry wan bockle a jaze an kerosene
inna dem back pack,
'Cause dem frantic bout hall kina attack,
A wey kina wuk dem a do?
Dem ongly a use the hard hat fi fool-fool uno,
Dem jussa create hobstacle inna de road,
an a halarm heverybody wid dem sign, "Caution! Wide load!"
Dem de Contruckcion prince dem tunn inna sum dangerous
toad,
Can you himagine sey, heven Jamaicans fraid fi buy tings
hoff a de road?
Nex ting dem knoe, dem inna wan ditch an simady helse a live
dem life afta wan face lift.
 
 
 
 

Tags: Pon De Jamaican Country Road