Rehabilitatin The Madeeks: The Ant-Terrorism Plan

Everybody fraid fi fly nowadays,
The Terrorist dem a control up de airways,
People nervous far bombs pon dem trails,
an dem uncomfortable bout de feel hup,
feel hup wen dem go fi ketch dem planes,
But far heveryting dere is a solution!

Dem need fi rehabilitate de madeeks dem inna
Credmoor fi stop de confusion,
JFK and LaGuardia will be de safest places
to be far sure,

No persona non gratis nah cum thrugh no madeeks door,

No wan wuld eva dare tek liberty wid a mad person,
unless dem wan get chewed up into venison,

Did any terrorists eva tek Bellevue or any odder mad
house unda siege...?

I doughn't tink so......!

Yu nevva knoe what dem got hup
dem sleeves,

'Cause dem knoe dem would a get "rackamasackad" by de
madeeks,

It wuld be wos dan silence of de lambs 'cause de maddie dem wuld
dismantle dem wid dem bare hands,

So, we haffi himplement the anti-terrorism plan and stamp hout Terrorism
wid plenty brave hands,

Put de madeeks dem fi guard de borders an de planes,

Who is in charge now terrorists?

Only the insane!!!!

De terrorist dem would run back a dem country like sad sacks followed by a band of insanity,

making dem tink twice to eva bodder dis country,

America will become stronger and back in charge, 'cause de madeeks dem run de bombers from dem yaard!
 

Tags: Rehabilitatin De Madeeks: The Anti-Terrorism Plan