• Login:

Welcome to the Community Forum.

If this is your first visit, be sure to check out the FAQ by clicking the link above. You may have to register before you can post: click the register link above to proceed.

Page 1 of 2 12 LastLast
Results 1 to 10 of 17
  1. #1
    Senior Member
    Join Date
    Jan 2004
    Location
    Over here
    Posts
    4,176

    Coodeh passa passa

    Lawd a massy, one sickniss bruk out inna Ja.com similah to mad cow dizeeze.

    Whey day mi fine out sey mi gat a tuch ah it juss anda mi skin, mi didda chry fi remedy it wid likkle mine mi owna biznizz bush whey mi bwile up fi nuh mek eh seezen inna mi bone.

    Dis yah dizeeze yah, when it sekkle inna yuh it commin like cansa, no cure wat so eva. All now mi cyaa beleeve sey mi ketchi to rack af haygizz. Ah reely cudde tikya di infektid, cause ebry whey mi tun she diddey, bakka mi, pee pee cluck cluck like some pichery whey dey look fi lan pan dranco back.

    Beleeve mi, mi nuh know whey toreymylitiss come from eh nuh, but it sure dey spred like wile fyah, mi fuss feel eh inna mi leff han, now it tek ova di olla mi baddy.

    Mi sure go tap mingle widdi one Sweetssop she cause effa neva she mi wudden ketchi...watta ooman fi know an mine peeple biznizz...ah bet yuh mi life savings eff she get wan repoatah wuk she wudden duh so well as she doing brawkawstin peeple bizznizz pan lite pose tap.

    Tawkin bout dat, yuh siddi one Trelli she, eff she come back inna mi face wid nummo sly remawk, ah buck arr flat a dutty...watta sumaddy fi tawk bad pan peeple an tink sey she can sell har bady waste #2 fi mek patty an #1 is di main ingreedent inna cola. Ah swear she prickin mi last nerve, but aye sah,

    ah wanda eff she know mi hole a degree inna CYO? It heng rite pon mi wall, she muss lucky sey eh nuh reely pay mek mi tap duh dat dey wuk.

    Di sickness reely tek inna mi bone eh nuh. Hey, between mi an yuh, nuh sey mi sey eh nuh, but mi hear sey Sweetssop gat di dizeeze bad das she haffi duh one kanshence transplant...mi hear Dahjah him get 2 done arredy, mi nuh know effa chue but mi getti fram good soorse.

    Speaking bout di devil Dahjah im, im juss remine mi addo disgustin one HO, di two a dem mek outa di same mateeral, di ongle diffrance one come eena pin stripe an di adda come eena floral.

    As fiddi one HO im, bout im dey ask who tink im shudd get ban, arr eff im fi mek a self ultimaytum fi get kick affa di ban...mi hole up mi two han dem an sey I-I-I im too cussid disgustin sometimes man, aldough mi nah hide mi kanshence im mek mi laff sometimes, a dat mek im floral. *Kissteet* peeral is a bich eeh! mi guh dey hat mi fram when an cyaa tap,

    nuh matta wha mi tek feet, cho mi wish mi cudda get sumaddy genkle like J-Kid fi come rub dung mi stomach an gimmi likkle comfert, chuss mi, yuh wudden know wha dat wudda duh fimi.

    A dem yah sinting mek mi cyaa bear some a unoo who dey tawk bout unoo nuh feel natta ting wen unoo peeral near come arr dey gwaan, mi trangly beleeve some a unoo eeda mek outa galvanize mateeral arr unoo juss nuh nawmal setta peeple, mi juss wish pain was sinting yuh cudda fling pan sumaddy an leff dem widdi till yuh tink di pain done,

    ah swear ah wudda hide some a unoo man an dash menstrall pain pan some a unoo an run whey, but come to tink aff it, a menstrall pain, wha mek a neva man feel alla dat dey pain dey, wha mek he neva name womenstrall pain eff a we haffi guh troo alla dat...sey it aint fair...aye sah,

    a wanda a who come up wid dem yah werdz dough eeh, nat to menshan di mental stress and menopause to name a few. Ah wanda why we haffi get a manicure to mek we fingaz pretty. Aye sah

    anybaddy eva wanda wha di sinting name fi mesure blood pressha? yes it name manometer
    wanda wha mek it haffi stawt wid man...search mi cause meen know.

    Dunga Ctry yawd borin yuh nex cova, mi juss guh dung dey when di torey tette she whey name Sweetssop put out peeple torey pan di lite pose, massy mi king, dung dey want some street lite man, she addi area leeda she muss can bribe somma dem warrify peeple fi bruk out a war dung dey fi mek more appeninz gwaan dung dey...watta wudda prekhe fi see Ctry dey try fi call peece, mi know fi sure she wudda haffi call Pepper fi help cawzen sey, wen dem yah setta peeple reddy fi war, dem at war, some hat wud dem can fling more wile, mi wanda how mi miss some a dem to banana chipz, but mi glad still, cawz a lang time gillo tap wear an mi cyaa affoad fi gat no soe foot narr bus ed yah now.

    Tawkin bout dat, ah wanda eff Portmore eat fish, she claim she love fish fi pet an dey gie dem nutten but bad treetment, di adda day she buy one an in no time di sitten dead, yuh tink a tumb she nuh gat fi rayze fish, arr yuh tink juss like mi she juss plain wikid to dem? Eff ah cudd, a wudda put out some flyaz fi nuh sell she nummo fish eff eh nuh prepare an put pan plate.

    Mi good fren Compry show mi some pretty white marrid frack di adda day a wanda a who dough get married? Di adda day mi jream si finnaral, an she tell mi finarral dream a marrije...hmmm!

    Anyways, mi nuh tink none a unoo whay dey lissen to mi needa, so mi kip mi clappaz she fi now, gone fi look some bush fi cure mi toreymylitiss. Beleeve mi, dere is a cure!
    However, this opinion may be disabled by the message board administrators at any time.

  2. #2
    Senior Member
    Join Date
    Nov 2002
    Location
    up dey so
    Posts
    48,273

    Re: Coodeh passa passa

    no wanda u belly haffi hat you so...mi gwinemek it even hat you wussa bout u dung yah dey call call up mi desant name

    you rock girl...look like a sey mi haaffi gi de suss jab to you [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

  3. #3
    Senior Member
    Join Date
    Jan 2004
    Location
    Over here
    Posts
    4,176

    Re: Coodeh passa passa

    Originally posted by Sweetssop:
    [qb] no wanda u belly haffi hat you so...mi gwinemek it even hat you wussa bout u dung yah dey call call up mi desant name

    you rock girl...look like a sey mi haaffi gi de suss jab to you [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [/qb]
    Mi mah? Mi nuh know people biznizz like yuh, yuh duh dah jab betta, mi wee gwaan be a specktaytah.
    However, this opinion may be disabled by the message board administrators at any time.

  4. #4
    Moderator
    Join Date
    Jun 2000
    Location
    near di USA border a watch out fi Canadians :- D
    Posts
    17,749

    Re: Coodeh passa passa

    Chrissy, mi ah goh bring wan heating pad fi yuh soh yuh caa put crass yuh stomach fi help ease di pain.


    As fi why di word man or men inna soh much words (ex: MENstral), dat relate to women?
    Well from whe mi hear, God decided fi gi unnu ah reminder of whe Eve did to Adam (di man), an got him kicked out paradise. Min should ah still, bin pan easy street if him neva listen an goh byte di apple afta Eve convince him fi du it. As ah constant reminder tu ooman, Him put dem words deh fi mek sure dat ooman noh figet, an di same mistake noh get happen again. [img]/forums/images/graemlins/laugh.gif[/img]
    JA.com member #946 for LIFE!

  5. #5
    Senior Member
    Join Date
    Jan 2004
    Location
    Over here
    Posts
    4,176

    Re: Coodeh passa passa

    Mi agree sey a Eve (we) [img]/forums/images/graemlins/laugh.gif[/img] did tell Adam fi guh pick di apple, but wha mek we haffi get alla di punishment? Mi kine a getti still dough, man was fool fool an still fool fool up to dis minit, eff a dem didda feel dem yah breed a pain, no man wudden leff paw ert, Gad know wha him wuzza duh fi real. Unoo cudden angle dem yah pain yah none tall.
    However, this opinion may be disabled by the message board administrators at any time.

  6. #6
    Senior Member
    Join Date
    Nov 2003
    Location
    Jamaica
    Posts
    3,333

    Re: Coodeh passa passa

    but watta wickid ooman doah gad!

    yuh know what- mek i juss
    "You can guarantee with 100% certainty that you'll never commit a crime, but you cannot with any bit of certainty guarantee that you wont be convicted of one."
    Johnny Cochran

  7. #7
    Senior Member
    Join Date
    Nov 2002
    Location
    up dey so
    Posts
    48,273

    Re: Coodeh passa passa

    Originally posted by Trelli:
    [qb] but watta wickid ooman doah gad!

    yuh know what- mek i juss [/qb]
    u do de rite ting mi dear...

  8. #8
    Guest

    Re: Coodeh passa passa

    Chrissy....aye sah. [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

  9. #9
    Moderator
    Join Date
    Jun 2000
    Location
    near di USA border a watch out fi Canadians :- D
    Posts
    17,749

    Re: Coodeh passa passa

    Gad is a merciful Gad. Him figa sey, as an innocent by-stander man was getting punished enough by being thrown out of di Garden of Eden whe him did ah live life like ah king. But Gad mek sure dat di instigator neva get off easy. Since ooman ah decendant from Eve, him figah, ah jus suh di cookie crumble yuh noh! [img]/forums/images/graemlins/704555_dwl.gif[/img]
    JA.com member #946 for LIFE!

  10. #10
    Senior Member
    Join Date
    Jan 2004
    Location
    Over here
    Posts
    4,176

    Re: Coodeh passa passa

    Originally posted by Sweetssop:
    [qb]
    Originally posted by Trelli:
    [qb] but watta wickid ooman doah gad!

    yuh know what- mek i juss [/qb]
    u do de rite ting mi dear... [/qb]
    Datta juss wanna har profawmance, mi know yuh wudda buy eh [img]/forums/images/graemlins/704555_dwl.gif[/img] She is di sista of lucifa.
    However, this opinion may be disabled by the message board administrators at any time.

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •