• Login:

Welcome to the Community Forum.

If this is your first visit, be sure to check out the FAQ by clicking the link above. You may have to register before you can post: click the register link above to proceed.

Page 1 of 3 123 LastLast
Results 1 to 10 of 25
  1. #1
    Senior Member
    Join Date
    Nov 2002
    Location
    up dey so
    Posts
    48,273

    SUSS!!!!!!!!!!!!!!!!!!!!!!

    Welocme to this weeks installment of
    Sweetssop's
    Unusual
    Sensational
    Stories


    When a man love a woman,....she can do nothing wrong mi kno sey some fass people dey pan yah wey gwine waan kno a wha mi a chat bout but dem gwine haffi wait but all mi a go sey weddin bells are ringing caa waan certain sumaddy get marrij proposal pon valentyines day an dem axept so now dem is engagement.... Leonie mek u so fass mek u dey bawl out mi name mek u noh go do backra wukk bout u bored u noh hay mi sey mi nah tell no bady a who and is nat me neida,,ketch the one Untwined she wid har eays well kack fe hear.. Watch pon de one Chrissy Chrissy she noh...unno noh hear sey mi sey dat she a ole liad and uno noh fe believe a ting wey she sey bout she Terzday afata mi an she neba ha no awgiment de one Ctry she a behave like a sey she innocent an a chry fe fool everybatty dat she noh fass and lub fe hear tory mi noh kno mek she noh go gi har dankey wata fe jrink and time him out unda shady...But as mi sey mi kno sinting an mi nah tell a man caaw karmeal dumplin choke nayga man.

    Young gal wear you size...mi sey some a dem have mango numba size foot and a chry fe squeeze ie eena single digits size and den dem come een yah come come chat bout how dem kip malice wid de boot and a blame bullfrag, senake cow and dawg...but tap fram mi was bawn mi nay kno sey bullfrag skin mek boot nat to menshan sey a ledda ie be....Mi sey all now Chrissy cawn dem mussi a bun har mi noh kno mek she so foo foo gal kno sey ar foot dem full aff a karn and har foot dem tuff like alligetta back and gawn wear boot wey sumall fe har dry foot dem... Compry all tell mi sey in arda fe she get ar toenail dem fe cut she haffi soak dem ovanite eena salt water de way dem tuuff.....mi see de one Hills Princess she come een dey a come gi Chrissy hadvice pan which boot to buy but she mussi tink sey we figget sey she did dress fe kill eena wann high heel boot and one foot a de boot heel did bruck aff and har chowsiz seat pap out mi sey dat mussi benna pretty site caaw all mi can pickcha har a higgiddy dip higgidy dip wid har legs dem squeeze tite so dat nobaddy noh see sey the chowziz seat pap out....an de wuss ting a dung town Toronto she did dey wen all a dis happin.

    Burp Burp Burp...tenk Gad mi save a dacta bill.. JamBrit noh kno sey everytime she eat she fi belch she coulda all pizen and she know...but a wanda if any thing gosso dough eeh sah...ie you naym sinting wey pizen u noh belch..... Trelli noh belch neida ongle wen she drink airiatid wata so I guees she is nat Nawmal or she mussi pass it out down below and ie and mek ie soun like wen tunda a roll..no wanda Jazz batty so mawga caa she no belch nida ongle when she drink soda and all a de gas cyaan escape from dung below some a it come up and she belch

    dahjah him scare nowadays pan de boawd causen sey him feel guilty about igling wen him should be doin backra werk so him waan fe kno if we guilty too... RichD him toss an twiss fe wholla two minits before him darp a sleep and das the extent a fe him guilt.. Championgal fe har kanshance fowl did dig it out and mash ie so ie no badda har as fe Yardy she we kno sey wen it comes to igling here we kno sey she neva did hab any kanshance fram mawnin

    Mi rackstone a wey Bandi get dat dey ole sang dey Fram I come to see Janie...dat dey sang a wey mi granny use to play ring game wid een fi har days...bwoy ie look like a sey Bandi is really a ole man like wha Ctry did tell mi waan lang time now but mi nay waan fe believe har caa chroo mi kno sey him a cow teef mi did tink sey him young...but mi noh hear wah day she him teef waan cow and him neva waan dem fe falla him track so him go teef 2 pair a goulash from dung a Brukky yaawd and put dem pon the cow but him nay kno sey Jahlive start come een yah a nite time now as him shiff change and him ketch him wid the cow eena him bredda goulash an we dun kno sey teef noh love fe see teef wid lang bag....mi noh how chroo it is cause u kno sey a da liad bwoy Neurtal tell mi soh and mi noh like talk afta certain people caa dem same one wi mek u look like liad so please me dey beg you noh badda go back go sey mi sey..caa mi fraid a mix up

    Den a mek Jamaican Diamond like fe whine up whine up harself so like a sey she can dance...mi sey evrything wey mek nize she tink a music dat she an Chrissy go a race track de odda day and wen she hear de hawse dem a run de gal noh start dance sey she tink a de new Elephant Man sang and she a do de hawse foot dance ...as if noh dance go so....a mussi dat she did a do wen she tep pan Chrissy toe and neva sey sarry .

    Mi go dung a G2 shap wey day ongle fe see new sine pan de door Unda New Management an guess mi wha...no Portmore a de New Owna .....yes mi chile she own ie lack stack and barrel now Simmy did go bakkrupt fram lass year and G2 could barely kip ar head above de water so she had to mikase an sell out...Mi hear sey Portmore cyaan cook but she de boas sey she ongle cyaan bunn wata and stap pat wata fram sowa...but mi hear sey she a plan fe hiya Peppa and Ensom fe do de cookin fer har but a wanda if she kno sey she nah go mek no prafit wid dem dey two... Loops waan fe do de mawnin ride but memba de time wen G2 did go pan haliday she did a serve wheaties and egg fram bax and dat neva go dung too well wid de customas...mi hear sey (an mi noh like fe chat here sey but) dat Reggaeplus left his 7 figga jab as Admin of the boawd cause he said it was no fun caa him couldnt igle in style like de ress a wi so him dey pan de same wavelenght as de ress a wi and if im step out a line im wi get ban too

    Grandma2 we love you and we miss you come back soon (((((((((((((((( G2 )))))))))))
    ((((((((((((((( Reggaeplus )))))))))))))))) nuff respeck
    (((((((((((((((( Simmy ))))))))))))))) Blessings

    Anyways a so mi getti a soh mi geet to unno and memba mi is nat liad and ole time people sey if ie noh go so ie go near so
    Peace.

  2. #2
    Senior Member
    Join Date
    Feb 2003
    Location
    by the waterfront
    Posts
    4,551

    Re: SUSS!!!!!!!!!!!!!!!!!!!!!!

    she get ar toenail dem fe cut she haffi soak dem ovanite eena salt water de way dem tuuff
    [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

    Me neba hear nuttn whe go so eena me whole life of living. [img]/forums/images/graemlins/704555_dwl.gif[/img]
    Just stepping into the world with a significant head start. Thanks aunty! You're the best.

  3. #3
    Senior Member
    Join Date
    Sep 2001
    Location
    up deh so, roun de oddah karnah
    Posts
    44,824

    Re: SUSS!!!!!!!!!!!!!!!!!!!!!!

    not once did mi seh mi feel guilty; unno si how tory get stawt--a pure fawt [img]/forums/images/graemlins/704555_dwl.gif[/img]
    <span style="font-style: italic">make my enemy my footstool</span>

  4. #4
    Senior Member
    Join Date
    Nov 2002
    Location
    up dey so
    Posts
    48,273

    Re: SUSS!!!!!!!!!!!!!!!!!!!!!!

    Originally posted by King dahjah:
    [qb] not once did mi seh mi feel guilty; unno si how tory get stawt--a pure fawt [img]/forums/images/graemlins/704555_dwl.gif[/img] [/qb]
    u noh hear mi sey a soh mi getti mi geet and mi is nat liad
    and if ie noh go so ie go near soh
    cho

  5. #5
    Guest

    Re: SUSS!!!!!!!!!!!!!!!!!!!!!!

    Compry all tell mi sey in arda fe she get ar toenail dem fe cut she haffi soak dem ovanite eena salt water de way dem tuuff
    Yuh know sey yuh getting from bad to worse. When mi and yuh have dem kinda argument deh? o/

  6. #6
    Senior Member
    Join Date
    Nov 2002
    Location
    up dey so
    Posts
    48,273

    Re: SUSS!!!!!!!!!!!!!!!!!!!!!!

    Originally posted by Compry:
    [qb]
    Compry all tell mi sey in arda fe she get ar toenail dem fe cut she haffi soak dem ovanite eena salt water de way dem tuuff
    Yuh know sey yuh getting from bad to worse. When mi and yuh have dem kinda argument deh? o/ [/qb]
    u can tan dey deny ie as much as u want ...stay dey tink sey Chrissy a go buy u de boot dem wey u a beg har fa

  7. #7
    Guest

    Re: SUSS!!!!!!!!!!!!!!!!!!!!!!

    Originally posted by Sweetssop:
    [qb]u can tan dey deny ie as much as u want ...stay dey tink sey Chrissy a go buy u de boot dem wey u a beg har fa [/qb]
    Once yuh start tell lie, yuh cyant stop. Chrissy know better and not even mi madda mi nuh beg buy mi shoes. Yuh betta sey yuh prayers before yuh guh sleep.

  8. #8
    Senior Member
    Join Date
    Jan 2004
    Location
    Over here
    Posts
    4,176

    Re: SUSS!!!!!!!!!!!!!!!!!!!!!!

    Mi print aff di suss fi guh read eh cause time is against me. Aye sah, Chrissy name can call up inna suss sah, mi deggo haffi ply fi one lawya.
    However, this opinion may be disabled by the message board administrators at any time.

  9. #9
    Senior Member
    Join Date
    Nov 2002
    Location
    up dey so
    Posts
    48,273

    Re: SUSS!!!!!!!!!!!!!!!!!!!!!!

    Originally posted by Compry:
    [qb]
    Originally posted by Sweetssop:
    [qb]u can tan dey deny ie as much as u want ...stay dey tink sey Chrissy a go buy u de boot dem wey u a beg har fa [/qb]
    Once yuh start tell lie, yuh cyant stop. Chrissy know better and not even mi madda mi nuh beg buy mi shoes. Yuh betta sey yuh prayers before yuh guh sleep. [/qb]
    no u didnt call me a liad did u.....lard havs massy pon har

  10. #10
    Senior Member
    Join Date
    Aug 2000
    Location
    Who Cares
    Posts
    20,882

    Re: SUSS!!!!!!!!!!!!!!!!!!!!!!

    One day wen mi pap fi yuh tory a hope yuh luv it
    You are too funny [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] a dat yuh sidung aan doo a day time, a tink yuh seh yuh wukk [img]/forums/images/graemlins/tongue.gif[/img] [img]/forums/images/graemlins/tongue.gif[/img]
    I am too Blessed to be stressed

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •