• Login:

Welcome to the Community Forum.

If this is your first visit, be sure to check out the FAQ by clicking the link above. You may have to register before you can post: click the register link above to proceed.

Results 1 to 4 of 4
  1. #1
    Senior Member
    Join Date
    Nov 2000
    Location
    America
    Posts
    37,118

    Suss - so wi get ie, so wi sell ie

    Title: Lunchtime at Ja.com Primary School

    It is lunch time at Ja.com Primary School and the kids all run out to the playground. Except for Bim and Jahlive who suspiciously stand off at one corner of the playground.

    Headmaster Xavier watches from his window as the children frolick around the school yard.


    ep: A bey mek mi a go Jamaica an oonu naah go! kikiki Waieee mi glad bag soon buss! ***stawt rackaway***

    Fern: **kissteet*

    Wendy: a hope di plane driva laas an carry yuh goh a Mocco

    QK: Well is about dyam time yuh gawn back a yaad!!
    Mi com yah fi how lang noh an yuh nevah go home as yet??? Mek mi call chickie an tell har….

    QK dials chickie cell and tells her the news that ep is coming to Jamaica

    chickie: Wendy and Fern oonu stap di hating…chrismuss time fi mi!!! santa claus is coming to town

    Ensome: kiss teet, cuss tree badwud, crass ep awfa mi fren liss ep mi naah gi yu none a mi bulla and milk an mi naah play dandy shandy wid yu [img]/forums/images/graemlins/mad.gif[/img]

    ep: Whaddeva! Mi a go fi 3 whole week kikiki

    Queen: a bet seh mi tell principal pan yu ep?? weh yu nuh tap ie nize!!!

    ep: Tell him an si wah mi do fi yu! A wouldan nat even bring back a fish tail fi yu much less a fish head!!!

    Wendy: Soh yu naah bring back sinting fi mi??

    ep: Yeah man! I shall bring back too a mi granny puppy daag fi yuh..dat way yuh cyaan gwaan pratice fi madder hood!

    LadyZ: oonu stap di heap a chatting nuh man an come wi play wan game???

    BJam: A choo man. Di place jus deady deady soh!

    bandido1: Soh oonu liven it up nuh man! Cho!!!

    tuffstuff: come wi play “fling yu weave pan di board room table”.

    Ctry.: Mi nuh know how dat play….

    tuffy: Mi have experience man – nuh fret bout dat

    Nunya: Yu know seh mi did tink mi know how fi play day game deh? But di memory mussi fly outta mi head to rhatid - *dwl*

    Jazz: waaaiiii – my mother – BOAL

    yaadiefl: My boddiiieeeeee – DWL – mi heart yaaah

    Queen: so tell wi how it play nuh tuffy?

    tuffy: so cooyah??? – is wah sweey oonu soh??? *kissteet* mi nuh waan play again! oonu really know how fi sink di knife inna smaddy back

    cg: oonu come and mek wi go get sinting fi eat nuh?? Mi belly a growl! Mi hungry man!!!

    They all head over to the tuck shop where Grandma is serving lunch

    JesusDread: Whateva oonu do, mi nuh want nuh chicken! Cause mi hear seh KFC a abuse dem!

    Ivory: Den nuh juss like di people dem a Greece weh a pizen di stray dawg an puss dem!!!

    cg: a betta dem sen dem go a korea fi food!

    Grandma: Shut up oonu mout an come out a mi place wid dem talk deh man! Mi nuh have needa abused chicken nor pizen dawg a sell in yah!

    Venn: Grandma mi want di biggest plate a di heftiyest kunch yu have deh an a big long mug a juice!

    Brukky: Den lang gut Venn yu ago nyam all a dat? Memba weh yu did do a Wendy weddin wah day yah?? Yu fi tap ie man

    Venn ignores Brukky an reaches for her money to pay for her lunch

    Venn: BUT WAIT!!!!!! A which paawt mi money deh??? Mine oonu mek mi cuss badwud enoh!!?? [img]/forums/images/graemlins/mad.gif[/img]

    The tuck shop grows quiet and everyone shifts their attention to Venn who by this has started to cry

    Venn: Yessidey mawning mi get wah ticket fi street cleaning.....$50 dyam dalla fi street cleaning!!!! Den mi orda some books fram Amazon an di blastid mailroom tief di secon one. An now mi lunch money gawn to??!!??

    Pepper: Hole on deh. Weh Bim and Jahlive deh???

    neutral: Mi did si dem ovah inna di cawna a di playfield

    SueSumba remembers her slogans from the day before:
    The Man From Bim&Jahlive, he says "Yes" and
    When The Going Gets Tough, The Tough Get Bim&Jahlive
    . She knew instantly that they were the culprits.

    Dahjah, neutral and SueS give chase to Bim and Jah and catch them on the other side of the playground.


    Bim: Wait, wait! Mek mi explain!

    Jahlive: Explain wah eediat bway? Look how long mi tell yu fi hide di money? Now dem ketch wi red handed!

    Bim: Mek mi explain to oonu nuh peeps?

    Jahlive: Wooieeee…..mi want mi granny!

    Dahjah: No time fi explain. Mi sarry fi oonu – dyam tief!

    bandido1: Dem bwoy yah haffi go report to di CIA and di KGB and di FBI an di JDF an di HNIC an di PLOJ an di ABCDEFG….

    SueS: god should not punish the Americans but he should punish oonu 2 fi tiefin Venn lunch money!

    Xavier sticks out his head an rings the bell for lunch time to be over

    LadyZ: An look how wi neva get fi play nuh game man? CHO!

    ep: Mi nuh care! Cause fly high or low mi a go a Jamaica an das allll dat matters [img]/forums/images/graemlins/laugh.gif[/img] Laas Lick [img]/forums/images/graemlins/tongue.gif[/img]
    “Those who know your name will trust in you, for you LORD, have never forsaken those who seek you” (Psalm 9:10)

  2. #2
    Senior Member
    Join Date
    Dec 2002
    Posts
    11,851

    Re: Suss - so wi get ie, so wi sell ie



    Whe mi nayme?

  3. #3
    Senior Member
    Join Date
    Nov 2000
    Location
    America
    Posts
    37,118

    Re: Suss - so wi get ie, so wi sell ie

    next time Papi, mek sure u get inna de good topics dem, k, den u name muss call., right, [img]/forums/images/graemlins/wink.gif[/img]

    (((((Papi))))))
    “Those who know your name will trust in you, for you LORD, have never forsaken those who seek you” (Psalm 9:10)

  4. #4
    Senior Member
    Join Date
    May 2001
    Posts
    4,330

    Re: Suss - so wi get ie, so wi sell ie

    GOod one Aunty.. [img]/forums/images/graemlins/704555_dwl.gif[/img] PO Tuffy dwl

    whewww.. good ting mi si dis before she log in modeh morning and start cuss how we ungrateful |Mi heart yaah..dwl
    Don't cry because it's over;
    smile because it happened.

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •